Maiatzaren 30ean (larunbata) 15,00etatik aurrera “Batelen Estropada” burutuko da Oiartzun ibaian, Hibaika Arraun Elkarteak Errenteriako Udal Kirol Patronatuaren laguntzarekin antolatuta.  Zumardiko lehenengo zubitik Iztietako pasealekuaren aldapa txikiraino helduko da estropadaren ibilbidea.

Erlojuaren aurkako modalitatean egingo da eta Gipuzkoako batelen ligarako balio du. Iraupena, berriz, ordu eta erdi ingurukoa izango da estropada hasten den unetik.