Datorren igandean, azaroaren 27an, Errenteriako Galtzarabordako Udal Kiroldegian “Emakumezkoen Aretoko Sofbol Euskadiko Torneoa” burutuko da, 23 urte azpiko mailan, Errenteriako Udalaren babesarekin. Sari-banaketa 20,30ean izango da. Publikoarentzat sarrera doan izango da.

Sofbol-a “Beisbol”aren egokitzapena da eta ezaugarri berezi batzuekin jolasten da: jolaserako pilota bigunagoa da, lehiatzeko zelaia txikiagoa da,… Halako ezaugarriek kirol arinago bihurtzen dute eta etenaldi gutxiago izaten da.

Txapelketa honetan Rentoks Klub-ak parte hartuko du, eta Gipuzkoako gainerako talde hauek: “Ordiziako Sofbol Kirol Elkartea” Lazkao-Ordiziakoak, eta “Atletiko San Sebastián” Donostiakoak. Bertan izango da baita ere “CDP Pamplona” talde nafarra.

Partiden ordutegia honako hau da:

• 14:30 – 15:20 Ordiziako Sofbol KE – Atlético Sn.Sn.
• 15:30 – 16:20 Rentoks – Pamplona
• 16:30 – 17:20 Atlético Sn.Sn. – Pamplona
• 17:30 – 18:20 Ordiziako Sofbol KE – Rentoks
• 18:30 – 19:20 Rentoks – Atlético Sn.Sn.
• 19:30 – 20:20 Pamplona – Ordiziako Sofbol KE