Aisialdiko hezitzaile titulu homologatua eskainiko du Oiartzo Ikastolak

Gazteria | Hezkuntza 2020-10-05 | 0

  • Hala nahi duen hamasei urtetik gorako herritar orok eman dezake izena ikastaroan

Haur eta gazteen aisialdirako jardueren dinamizatzaile titulua ateratzeko aukera eskainiko du Oiartzo Ikastolak, Aisiola aisialdiko eskolaren bitartez. Lanbidek homologatutako titulua da eta hala nahi duen hamasei urtetik gorako herritar orok eman dezake izena.

Aisialdiko taldeetako, udalekuetako, eskolaz kanpoko ekintzetako, jangelako… hezitzaile izateko aukera eskaintzen du aipatu tituluak.

Ikastaroa Oiartzo Ikastolan bertan izango da. Datorren urriaren 16an hasiko da eta urtebeteko (2. batxilergoa egiteko adina dutenentzako edo helduagoentzako) iraupena izango du. Bi urtean (1. batxilergoa egiteko adina dutenentzako) egiteko aukera ere badago. Kasu horretan, ikastaroa urtarrilean hasiko da. Aukera batean zein bestean, atal teorikoa eta praktikoa izango ditu ikastaroak eta ostiral arratsaldetan emango da, 15:30etik 20:30era.

Izena emateko epea: urriak 9

Aisialdiko hezitzaile titulua lortzeko izen-emate epea urriaren 9an amaituko da. www.aisialdia.eus webgunearen bitartez egin behar da. Ordainketa matrikula egiteko momentuan bertan egin behar da. Ikastolako bazkide direnek 430€ ordaindu behar dituzte eta hala ez direnek, berriz, 475€.

No comments yet.

Utzi erantzuna