Udala berdez argiztatu dute gaur, Perthesen gaixotasunaz kontzientziatzeko egunean.

Urtarrilaren 17an Perthesen gaixotasunaz kontzientziatzeko eguna da eta ASFAPE elkarteak (Perthesa duten familien elkartea) hainbat ekimen antolatu ditu gaixotasun honi ikusgarritasuna emateko xedez, besteak beste, hainbat eraikin publiko berdez argiztatzea, ez ohikoa den gaixotasun honen inguruko arreta pizteko.

ASFAPE elkartetik honako hau azaldu dute gaixotasunaren inguruan:

Legg-Calvé-Perthes gaixotasuna

Femurraren buruan dagoen nekrosi abaskular bat da, odol-ureztatzerik ezak eragiten duena. Bere jatorria ezezaguna da oraindik. 10.000 haurretik 1,5 umeri eragiten die gutxi gorabehera, eta, beraz, gaixotasun arraroa da.

Normalean 3 eta 12 urte bitarteko gizonezkoetan agertzen da (4 mutileko, neska 1), baina gehiengoa 6-8 urte bitartekoa da.

Oro har, aldaketako bati eragiten dio, baina aldebikoa izan daiteke kasuen % 10-15ean, eta ez une berean.

Nola eragiten die gaixoen egunerokotasunean?

Sintoma ohikoena herrentasna da, aldakan zurruntasuna, mugikortasun eza eta mina eragiten du iztai, izter eta belaunean; antiinflamatorioekin tratatzen da, baina berriro agertzen da.

Alderdi fiskoaz gain, Perthesen gaixotasunak karga psikologiko handia dakar, familiako bizimoduari eta inguruari eragiten diolako. Izan ere, Perthesa duten haurrek ezin dute saltorik egin, ezta korrika egin ere, oro har, ezin dute femurrean inpaktua sorrarazten duen kirolik egin, haur eta gazteengan ohikoak diren egunerko ekintzak hain zuzen.

Askotan, kanpotik ia ikusezina dirudien gaixotasuna da, herrenka ibiltzen diren kasuetan izan ezik, horregatik da hain garrantzitsua umeen inguruak, hau da, lagunek, familiak, eskolak, irakasleek etab. gaixotasunak dakartzan mugak ulertzea.