Emakumeen Etxeko Jane Gamon Hirigintza Taldeak ‘Bauhaus’ filma emango du Niessenen bihar, asteazkena, 18:00etan, Martxoaren 8ko Emakumeen Nazioarteko Egunaren programazioaren barruan.

Jane Gamon Taldea Zapiain Anaiak kaleko horma-irudia egin zuen taldea da. Horri esker, gune degradatu bat berreskuratu da, eta zirkulatzeko leku bizi eta seguruagoa bihurtu da.

Jane Gamon Taldeak zineforum hau antolatu du zer herri izan nahi dugun eztabaidatzen jarraitzeko helburuarekin, eta, hirigintzaren ikuspegi feministatik, beti egon diren baina ikusezin bihurtu diren emakumeen zereginari buruz hausnartzen jarraitu nahi du.

‘Bauhaus’

1919tik 1933ra, Bauhaus alemaniar fundazioak une garrantzitsua markatu zuen Historian, eta funtsezkoa da XX. mendeko arkitekturaren, artearen eta diseinuaren munduan izan duen eragina ulertzeko.

Hezkuntza-erakunde honek emakumeak onartzen zituen, nahiz eta diziplinaren prestakuntza-orientazioa artistikoa zen, eta ez hain teknikoa.

Denborarekin, arkitekturako prestakuntzarako sarbidea ere ukatu zitzaien.
Izenak baztertuta geratu arren, askok sormen eta bizitza profesional oparoa garatzea lortu zuten.

Pelikula honek Bauhauseko ikasgelak zeharkatzen ditu bere artistetako baten ikuspuntutik, Alma Siedhoff-Buscher handia.