Ostiralean, hilak 20, ‘Hitz egin dezagun…’ ekimenaren lehen zikloa abiatuko da Lekuona Fabrikan. Formatu berri horren bidez, partekatzeko zailak izan daitezkeen gaiei ikuspegi anitzetatik heldu nahi zaie parte-hartzaileek horren inguruan hitz egiteko aukera izan dezaten.
Heriotza izango da lehen topaketa horietarako aukeratutako gaia; izan ere, ezinbestean bizitzaren zati bat osatzen duen alderdia izanik, beste pertsona batzuekin hitz egiteko eta partekatzeko zaila egiten den gaia da.
Hala, ikuspuntu ezberdinetatik gaia lantzeko 4 jarduera proposatu dituzte. Saioak Lekuna Fabrikan izango dira 18:30ean eta parte hartzeko ez da izen-ematerik egin beharko.
Ondorengoa da egitaraua:
- Urriak 20, 18:30ean: Dolu perinatala. Gure hildakoak familian oroitzen.
Sihara Nuño idazlea eta Naroa Martínez Suarezek, galeren, heriotzaren eta doluaren pedagogian espezializatuak dinamizatuta. Gaztelaniaz.
- Urriak 24, 18:30ean: Bizi testamentua.
Derecho a Morir Dignamente elkartetik, heriotza nola izatea nahi dugun aukeratzeko moduak badaudela azalduko dute. Ele bitan.
- Urriak 26, 18:30ean: Heriotza eta dolua haurren hezkuntza… eta literaturan
Txabi Arnal Gil, Euskal Herriko Unibertsitateko irakasle eta idazlearen eskutik. Heriotza eta dolua umearen heziketaren parte izatearen garrantziaz hausnartuko da. Euskaraz.
- Urriak 31, 18:30ean: Gau beltza. Zatoz lagunekin beldurra pasatzera.
12-16 urte bitarteko gazteek, taldeka, asmakizunak, erronkak eta mahai-jokoez osatutako pista jolasa jarraituko dute.