Inauterietan emango duten egitarau bereziaz gain, hona, datozen asteetan udal txistulari taldeak eskainiko dituen emanaldiak:
Otsailaren 4an, 9:00etan: diana Pontika auzoan
Igande honetan, Udaletxetik 9:00tan hasita, Pontika auzoruntz joango dira Udal Txistulariak.
Bertako kaleak alaitu ostean, Udaletxean amaituko dute, ohi bezala.
Santa Ageda bezpera izanik, egun horri lotutako doinuak joko dituzte igande horretan:
– ‘Santa Ageda’. Herrikoia
– ‘Agate deuna’. Herrikoia
Otsailaren 18an, 9:00etan: diana Alaberga auzoan
Igande honetan 9:00etatik aurrera Alaberga auzoan zehar ibiliko dira txistulariak, eta Udaletxean bukatuko dute ibilbidea.
Honako zortzikoa hauek izango dira igande honetakoak:
– ‘Pudente’. Juan Jose Santesteban. Moldaketak, Jose Ignazio Ansorena Miner
– ‘Txantxiku’. Jose Ignazio Ansorena Miner
Otsailaren 25ean, 12:30ean: umeentzako kontzertua
Igande honetan, 12:30ean, Udal Txistulari Bandak haurrentzako kontzertua eskainiko du Bea Larrañaga pailazo errenteriarraren laguntzarekin, Niessen Kulturgunean.
Honako hau izango da egitaraua:
• ‘Hartzaren ehiza’. Luis Aranburu
• ‘Nahi eta ezin’. Francisco Madina
• ‘Uso zuria’. Manuel Gainza
• ‘Zirkoaren sonatatxoa’. Reimna V. Moldaketak, J.I Ansorena
• ‘Zazpi jauziak’ herrikoia. Moldaketak, T. Agirregomezkorta
• ‘Isturin’ (Orripekoa). Isidro Ansorena
• ‘Txolartea’ (Arin-ariña) Isidro Ansorena
• ‘Zuberoako maskarada’. Popular
• ‘Kinkirrinera’ Luis Urteaga. Armonia, Isidro Ansorena