• Programazio bateratua aurkeztu du Udalak herriko askotariko eragileekin batera.
Pixkanaka gerturatzen ari da martxoaren 8a, Emakumeen Nazioarteko Eguna, eta, horren harira, Errenteriako Udalak eta hainbat eragile zein talde feministek, Berdintasun Kontseiluarekin batera, egitarau zabala eta aberatsa antolatu dute.
Hilabete osoan zehar, mota askotariko ekintzak burutuko dira, betiere, emakumeen eta gizonen arteko berdintasuna eta emakumeen jabekuntza bultzatzeko helburuarekin.
Besteak beste, aurtengo programazioan ondorengo ekintzak nabarmendu dituzte:
Alde batetik, XIV. Mariasun Landa Sarien banaketa. Berdintasun Kontseiluaren ekimenak hamalau urte betetzen ditu aurten eta Bittori Arrieta Arregi eta Ana Mari Ugalde Ugarteri buruzko lanak izango dira sarituak.
Bestalde, martxoaren 8an, beste urtebetez, mugimendu feministak manifestazioa antolatu du. 19:00etan abiatuko da Zumarditik eta Errenteriako kaleak aldarriz betetzea izango du xede.
Martxoaren 8an bertan, auzoetako emakume elkarteek bazkaria antolatu dute Merkatuzarren. Aurten, auzoetako emakumeen elkarteen programaren 40. urteurrena ospatuko dute.
Azkenik, beste ekintzen artean, kafe solasaldi formatuko tailer bat egongp da Bidez Bide elkartearen eskutik. Euskal Herrian bizi diren emakume migratuen giza eskubideak defendatzeko proiektuak ikuspegi transkulturaletik, generotik eta dekolonialetik gauzatzen dituen elkartea da honakoa. Gizarte Segurantzaren araudiari buruzko informazioa helaraztea izango da saio honen helburua. Hau da, administrazio-egoera irregularrean egonda ikasketa-praktikak egiteko aukerarik ematen ez duen legediari buruzkoa.
Gainerako ekintzak eta zehaztapen guztiak jarraian zehaztutako programazioan ikus daitezke:
PROGRAMAZIOA
Martxoak 1, ostirala
- BANDERAREN IGOERA
18:30 Emakumeen Etxetik abiatuta Batukada Feministarekin
Martxoak 6 – 16
- ERAKUSKETA
ARTdarrikapen Feministak Xilografia erakusketa
17:00-20:00 XENPELAR ETXEA
Antolatzaileak: Eskola Feministako Xilografia ikastaroko ikasleak
Martxoak 7, osteguna
- XILOGRAFIA ERAKUSKETAREN BISITA GIDATUA
18:00 Xenpelar Etxea
Antolatzaileak: Eskola Feministako Xilografia ikastaroko ikasleak
Martxoak 8, asteazkena
- EMAKUMEEN BAZKARIA*
14:00 Merkatuzar
*Tiketak agortu dira.
Antolatzaileak: Auzoetako emakume elkarteak
- MANIFESTAZIOA
19:00 Zumardiatik
Antolatzailea: Oreretako Asanblada Feminista
Martxoak 9, larunbata
- XIV. MARIASUN LANDA SARIEN BANAKETA
12:00 Emakumeen Etxea
Antolatzailea: Berdintasunerako Kontseilua
- ANTZERKIA
‘Victoria viene a cenar’
19:00 Niessen Kulturgunea
Martxoak 10, igandea
- EMAKUMEEI ESKAINITAKO UDAL TXISTULARIEN KONTZERTUA
12:30 Emakumeen Etxea
Antolatzailea: Udal Txistulari Taldea
Martxoak 13, asteartea
- MARIA DE ZOZAYARI OMENALDIA: liburu aurkezpena eta poesia errezitaldia
Xabier Susperregi eta Ana Mendiola
18:30 Emakumeen Etxea
Hizkuntza: Gaztelania
- EMAKUMEEN XX ZINE EMANALDIA
– Martxoak 14: ‘Las buenas compañías’
– Martxoak 21: ‘20.000 especies de abejas’
18:00 Niessen Kulturgunea
Sarrera: Doan
Antolatzailea: Amalatz Talde Feminista
Martxoak 19, asteartea
- ANTZERKIA
AMORE: Herri Arte Eskolako ikasleen antzerkia
19:00 Emakumeen Etxea
Elebitan
Antolatzailea: Herri Arte Eskolako ikasleak
Martxoak 16, larunbata
- TWERK (BOOTY DANCE) TAILERRA
IKERNE MENDIETA
10:00-14:00 Emakumeen Etxean
Hizkuntza: Euskara
Martxoak 20, asteazkena
- Kafe solasaldia Bidez Bideren eskutik
Nola eragiten didate ikasketa-praktikak egiteko araudi-aldaketek?
16:00 Emakumen Etxean
Hizkuntza: Gaztelera
Antolatzailea: Bidez Bide
Martxoak 23, larunbata
- AUTODEFENTSA FEMINISTA TAILERRA (HASTAPENA) MAITENA MONROYREKIN
10:00-14:00 // 15:30-19:30 Emakumeen Etxea
Hizkuntza: gaztelania