- Liburua Jon Bagües eta Pello Leiñenak -Eresbilen zuzendari ohia eta egungo zuzendaria, hurrenez hurren- idatzi dute elkarlanean, eta jaialdiaren 50 edizioetan egindako lan bizia berrikusi nahi izan dute.
Eresbil-Euskal Musikaren Artxiboak, euskal musikagileen lana ardatz duen Musikaste Errenteriako jaialdiaren 50 urteko edukiak eta zifrak biltzen dituen liburua aurkeztu du. Aurkezpenean parte hartu dute honako hauek: Jon Bagües Eresbil – Musikaren Euskal Artxiboko zuzendari ohiak eta Pello Leiñena, egungo zuzendariak; Aizpea Otaegi, Errenteriako alkateak; Arantxa Arzamendi, Andra Mari Abesbatzako lehendakaria, eta Eusko Jaurlaritzako Kultura eta Hizkuntza Politikako sailburua.
Asko dira Musikasteren urrezko ezteien amaiera ospatzeko egin duten liburu honetan biltzen diren ideiak, oroitzapenak eta bizipenak. Argitalpen honen bitartez, urte hauek guztietan bidelagun izan dituzten pertsonei eta erakundeei merezitako aitortza eman nahi izan diete.
Musikasteko lehenengo edizioa gogora ekarri dute aurkezpenean. 1973an Jose Luis Ansorenak, musikari, kaputxinoa zuzendaria, eta Errenteriako Andra Mari Abesbatzak diseinatu zuten. Errenteriako musika eta kultura jarduerari bultzada berri bat eman nahi izan zioten, euskal konpositoreetan eta interpreteetan oinarritutako planteamendu desberdina zuen jaialdi batekin, garai hartako jaialdiekin alderatuz erabat berritzailea zena.
Eresbil – Musikaren Euskal Artxiboko zuzendari ohiak (Jon Bagues) eta egungo zuzendariak (Pello Leiñena) elkarrekin idatzitako liburu honetan, jaialdiaren 50 edizioetan egindako jarduera bizia berrikusi nahi izan dute.
Liburua bi kapitulutan dago banatuta: ”Koloreak” eta ”Zifrak”. Lehenengoak jatorrian, idearioan, antolaketa-eskeman, konpositore nabarmenenetan, generoetan, interpreteetan, lekuetan, kritikan, publikoan eta hedapenean sakontzen du. Musikasteren bilakaera osatzen duten eta astearen diskurtsoa artikulatzen duten hainbat alderdi.
Bigarren kapituluak Musikasteren garapenaren hurbilketa estatistiko bat egiten du, interpretatutako 539 konpositoreen errepasoa eginez mendeen, probintzien eta musika-genero nabarmenenen arabera: Koru-musika (758 obra), Banda (160 obra), Txistu (175 obra), Ganbera (369 obra), Antzinako-musika (403 obra), Lied (218 obra) eta Sinfoniko-Korala (212 obra).
Prentsako iritziei buruzko atal laburraren ondoren, Musikasteko grafikoari buruzkoa dator, 80ko eta 90eko hamarkadetan eguneroko prentsan jaialdiari eskainitako argitaratutako binetekin, Antton Olariaga eta Yon Zabaleta marrazkilarien izenak nabarmen dira. Atal horri kronologikoki ordenatutako argazki-galeria batek jarraitzen dio, interprete zein talde nabarmenenak biltzen dituena.
Argitalpenak Musikasteren izaera eklektikoa eta kaleidoskopikoa erakusten du, hainbat genero eta forma musikal bateratzen baititu, gure historia musikalaren isla fidela.
Liburuak Bingen Zupiria Eusko Jaurlaritzako Kultura eta Hizkuntza Politikako sailburuaren hitzaurrea du, baita Pello Leiñena Eresbileko zuzendariarena eta Arantxa Arzamendi Andra Mari Abesbatzako lehendakariaren sarrera ere.
Leiñenak honako hau adierazi du amaitzeko “Hemendik aurrera etorkizunari ilusio eta esperantzaz begiratzea besterik ez zaigu geratzen, egin dugun ibilbidearen garrantzia ahaztu gabe, baina aurrean ditugun erroka berriei aurre eginez”.
Liburua hemen dago eskuragarri.
