Abian da XXXVII edizioaren Madalen Sariak literatur lehiaketa, Errenterian bizi direnen edo ikasten dutenen artean euskaraz idazteko ohitura sustatzeko asmoz. Lanak aurkezteko epea apirilaren 19an amaituko da, gaueko 24:00etan.

Edizio honetako gaia Valeriano Lecetak Udal Pleno Aretorako margotutako Alegoria izeneko muralaren ingurukoa da; Errenteriako iraganari, orainari eta etorkizunari buruzko hausnarketa sustatzeko.

Parte hartzeko baldintza bakarra da Errenterian bizitzea edota Errenteriako Lehen Hezkuntza, DBH, Batxilergo edo Lanbide Eskolako ikaslea izatea.

2024ko Madalen Sarien oinarriak eta informazio osoa esteka honetan kontsultagai daude.