Ez da altzari bilketa zerbitzurik izango Madalenetan
Errenteriako Udalak herritarrei jakinarazi nahi die, Madalenak direla eta, uztailaren 22tik 26ra ez dela altzari bilketa zerbitzurik izango herrian.
Asteburuan jokatuko dituzte Ereintza Open Tenis Txapelketako finalak
Ekainaren 1ean hasi zen Ereintza elkarteak ATG ( Gipuzkoako tenislari afizionatuak ) eta Errenteriako Kirol Patronatuaren laguntzarekin antolatutako II Errenteriako Ereintza Open Tenis Txapelketa. Partida guztiak Beraungo erabilera anitzeko pistan jokatu dituzte eta asteburu honetan, finalak jokatuz emango diote amaiera txapelketari. 32 tenislarik hartu dute parte guztira, 8 multzotan antolatuta. Talde bereko jokalari bakoitzak partida bat […]
Fanderia eta Gabierrotan ibiliko da Udal Txistulari Banda igandean
Udal Txistulari Banda, Xabier Vesgak zuzenduta, datorren igandean, hilak 21, goiz osoan Gabierrota eta Fanderia auzoetan ibiliko da. Emanaldian hainbat soinu herrikoi joko dute.
Herri Bizia Madalenen erakusleiho bihurtuko dugu
Hurbil ditugu Madalenak eta Herri Bizian herriko jaiak gertutik jarraitzeko atal berezia prestatzen ari gara. Bertan izango da, besteak beste, txupinazoa edo egunero egindako argazkiak ikusteko aukera. Baina ez hori bakarrik, herritarrek sare sozialetan argitaratzen dituzten irudi, bideo edo iruzkinak ere partekatu nahi ditugu. Horregatik, Facebook sarean Herri Biziak duen orrialdea jarraitzera eta Twitterren #madalenak2013 […]
Udal kirol instalazioak itxita egongo dira Madalen egunean
Errenteriako Udal Kirol Patronatuak jakinarazi nahi du, Madalen eguna dela eta, datorren astelehenean, uztailaren 22an, Fanderiako, Galtzarabordako eta Kaputxinoetako udal kirol instalazioak itxita egongo direla.
Inoiz baino lan gehiago Maddalen Sarietan lehian
Udal Euskara Departamentuak XXVI. aldiz antolatu du aurten Maddalen Literatur Sarien Lehiaketa. Orotara 536 lan aurkeztu dituzte Errenteriako 8 urtetik gorako gaztetxoek; “inoiz baino gehiago”. Ohikoa denez, gazteek prosa edo poesia-lanak idatzi dituzte, adinaren araberako hiru mailatan sailkatuta: lehenengo maila lehen hezkuntzako 2. eta 3. zikloan dauden ikasleei dagokie. Bigarrena, DBH 1 eta DBH 2 […]
Itzultzaile lanpostua barne promozio bidez beteko du Udalak
Lanpostuaren titularrak erretiroa hartuko duelako, Udalak itzultzaile lanpostua, denboraldi batez, bete nahi du barne promozioz. Ondorengoak dira kandidatuek bete beharreko baldintzak: Errenteriako Udaleko karrerako funtzionarioa edo kontratudun finkoa izatea eta A2 (lehen B) edo C1 (lehen C) sailkapen taldekoa izatea. Honako titutlua edukitzea edo hori eskuratzeko eskubideak ordainduak izatea: ingeniari teknikoa, unibertsitate diplomatua, arkitekto teknikoa, […]
Ohorezko Oroigarria jasoko dute larunbatean Madalenetako omenduek
Udalak, larunbatean, hilak 20, Ohorezko Oroigarria emango die eta omenaldi xume bat eskainiko die Madalenetako omenduei: Erraldoi eta Buruhandien Konpartsari eta Iñaki Tolaretxipiri, hain zuzen. Ekitaldiari 19:00etan emango diote hasiera Xenpelar Etxean. Han bertan, Madalenetako kartel lehiaketa ofizialaren irabazlea izan den Julen Rodriguez Galtzarabordako bizilagunari ere emango diote saria. Ekitaldia amaitu ondoren Zumardira abiatuko dira denak elkarrekin […]
Musika eskaintza zabala Madalenetan
Ahalegin berezia egin du Jai Batzordeak datozen Madalenetan publiko guztietara zuzentzen den musika egitarau zabala prestatzeko. Herriko hainbat txoko izango dira agertoki eta musika estiloak ere anitzak: rock musika, Djak, doinu herrikoiak, orkestrak, dantzatzeko musika, lasai entzutekoa… Uztailaren 20tik 25era, herritarrek egunero izango dute non aukeratu.